Kaso ng tigdas, dumoble
MANILA, Philippines — Dumoble pa ang kaso ng sakit na tigdas (measles) sa bansa nang maitala ito ngayon sa 350 kaso, ayon sa Department of Health (DOH).
Sa pinakahuling Measles Surveillance Report, ang naturang bilang ay mula Enero 1 hanggang Agosto 13, ngayong taon. Mas mataas ito ng 157 porsyento kumpara sa 136 kaso noong 2021 sa parehong mga buwan.
May pinakamataas na naitala sa Central Visayas na may 52, kasunod ang CALABARZON na may 46 at ang National Capital Region (NCR) na may 38.
May pinakamalaking itinaas sa mga kaso ang Central Visayas mula apat patungo sa 51 kasunod ang MIMAROPA na mula sa 2 kaso ay naging 15.
Wala pa namang naitatalang nasawi dahil sa tigdas sa buong bansa sa nabanggit na panahon.
Sa kabila ng aksyon ng ilang lokal na pamahalaan laban sa pagsusuot ng face mask, nanindigan ang DOH sa patuloy na paggamit nito dahil sa bukod sa COVID-19 ay maiiwasan din ang mahawa sa ibang sakit tulad ng tigdas na nakukuha rin buhat sa isang may sakit sa pamamagitan ng ‘droplets’ mula sa pag-ubo, pagbahing, pakikipag-usap. Z
- Latest
