PBBM sa PNP: Manatiling tapat, ‘wag abusado
MANILA, Philippines — Pinaalalahanan ni Pangulong Ferdinand ‘Bongbong’ Marcos, Jr. lice (PNP) na manatiling tapat at huwag maging abusado sa tungkulin.
Sa kanyang pagdalo sa 121st Police Service Anniversary na ginanap sa PNP Multi-Purpose Center sa Camp Crame kahapon, sinabi ni Marcos na dapat na ibigay ng bawat pulis ang kanilang dedikasyon sa pagseserbisyo.
Ayon sa Pangulo, kailangan ng PNP ang suporta ng publiko upang mapanatili ang peace and order sa bansa kasabay ng pag-unlad.
Aniya, walang imposible kung sama-sama at tulung-tulong upang labanan ang mga nais gumawa ng gulo.
Binigyan diin din ni Marcos na dapat tiyakin ng PNP na makatwiran ang paggamit ng puwersa sa kanilang tungkulin upang maiwasan ang mga kontrobersiya at isyu.
Tiwala si Marcos sa pamumuno ni Gen. Rodolfo Azurin bilang PNP chief. Aniya, suportado niya ang mga programa ni Azurin para sa pulis at sa publiko.
Samantala, pinangunahan din kahapon ni Pangulong Marcos ang Change of Command ng Armed Forces of the Philippines sa AFP General Headquarters sa Camp General Emilio Aguinaldo sa Quezon City.
Nakatitiyak si Marcos na tama ang ginawa niyang pagpili sa bagong AFP Chief of Staff Lt. Ge-neral Bartolome Bacarro.
Tiwala rin si Marcos na mas mapapalakas pa ang AFP sa pamamahala ni Bacarro.
Tinawag din ng Pangu-lo si Bacarro na isang “reliable partner” na makakatuwang ng Malacañang sa isang bagong republika kung saan inaasahan na mas magiging tahimik, ligtas at maunlad ang bansa. — Malou Escudero
- Latest
