Pangulong Marcos pinangunahan ang oath-taking ng Gabinete
MANILA, Philippines — Pinangunahan ni President Ferdinand Marcos Jr. ang oath-taking ng kanyang Gabinete kahapon sa Palasyo ng Malacañang.
Sinabi ni Marcos na ang panunumpa ang simula ng kanilang aktuwal na trabaho sa kasalukuyang administrasyon kaya kailangang gawing opisyal.
“This is the first act of actual work that we will be doing for this administration. So let’s get the official part done so that we can get on with the job,” pahayag niya ilang oras matapos siyang manumpa bilang ika-17 Pangulo ng Pilipinas.
Pamumunuan ni Marcos ang agriculture department, habang si Vice President Sara Duterte ang magsisilbi bilang education secretary.
Hindi nakadalo sa inagurasyon ni Marcos ang kanyang Presidential Legal adviser na si Juan Ponce Enrile na nagka-COVID noong Lunes.
Wala pang napipisil si Marcos na kalihim ng health, energy, foreign affairs, environment, at science and technology.
Kabilang sa mga itinalaga ni Marcos sina Atty. Vic Rodriguez, Executive Secretary; Atty. Rose Beatrix Cruz-Angeles, Press Secretary; Benjamin Abalos Jr. (DILG); Susan Ople (Dep’t of Migrant Workers; Jesus Crispin Remulla (DOJ); Bienvenido Laguesma, (DOLE); Arsenio Balicasan (NEDA); Benjamin Diokno (Finance); Felipe Medalla (Bangko Sentral ng Pilipinas); Alfredo Pascual (DTI); Manuel Bonoan (DPWH); Erwin Tulfo, (DSWD); Amenah Pangandaman (Budget); Ivan John Uy (Information and Communications Technology); Maria Zenaida Angping, Presidential Management Staff; Esperanza Christian Frasco, Tourism; Clarita Carlos, National Security Adviser; Conrado Estrella III (DAR); Menardo Guevarra, Solicitor General; Juan Ponce Enrile, legal adviser; Jose Faustino Jr. (Defense); Ricardo de Leon sa National Intelligence Coordinating Council; at Lilia Guillermo (BIR).
- Latest