Cebu police chief, sinibak sa puwesto!
MANILA, Philippines — Kinumpirma ng Philippine National Police na tinanggal sa puwesto si Cebu Provincial Director Police Col. Engelbert Soriano simula pa noong Linggo.
Paliwanag ng PNP, mahigit isang taon na sa kanyang posisyon si Soriano at pagbibigay oportunidad din ito sa ibang kuwalipikadong Third Level Police Commissioned Officers.
“His relief is pursuant to the provisions of PNP Memorandum Circular 2022-002, which states that Provincial Director, City Director or COP of NCRPO shall be held by a PCOL for a continuous period of one year,” nakasaad statement ng PNP.
Itinalaga namang officer in charge ng Cebu Police Provincial si Police Col. Elmer Lim.
Dalawang araw bago ng pagkakasibak, sinabi ni Soriano sa Cebu Provincial Police Office’s Facebook page na ang EO ni Cebu Governor Gwen Garcia ang masusunod.
Sa nasabing EO, optional ang paggamit ng face masks sa lalawigan ng Cebu subalit requirement sa mga indoor at air-conditioned room at may sintomas ng COVID-19.
Una nang sinabi ni DILG chief Eduardo Año na inatasan niya ang PNP chief, regional at provincial police directors na sibakin sa puwesto ang sinumang tauhan at opisyal na hindi magpapatupad ng batas hinggil sa pagsusuot ng face masks.
- Latest
