Pinas ‘wag sumali sa‘sanctions’ sa Russia – Carlos
Para makakuha ng langis at gas
MANILA, Philippines — Maaaring magsuplay ng langis at gas sa Pilipinas ang Russia sa gitna nang patuloy na pagtaas ng presyo ng mga produktong petrolyo, ayon kay incoming National Security Adviser (NSA) secretary Clarita Carlos.
Sinabi ni Carlos na dapat wala pa ring kampihan ang Pilipinas sa pagitan ng Russia at Ukraine na hindi pa rin natatapos ang gulo lalo pa’t may maayos na relasyon ang bansa sa Russia.
“Siguro we will take a mutual stance. Iyon naman talaga ang ginawa natin from the beginning, and we have a very robust relationship with Russia,” ani Carlos.
Ayon pa kay Carlos, nasa hilagang bahagi ng bansa ang Russia at dapat samantalahin ito ng Pilipinas upang makakuha ng kinakailangang langis at gas.
“And Russia might be able to supply us with our much-needed oil and gas ‘no, kasi nandiyan lang ang Russia. Ang Russia nasa north natin iyan and they’re also pivoting to our area. We should take advantage of that,” ano Carlos.
At kung magbibigay anya siya ng payo kay incoming President Ferdinand Marcos Jr., sasabihan niya rito na huwag sumali sa sanctions mechanism laban sa Russia na ginagawa ng Amerika.
Matatandaan na nag-umpisa ang sunud-sunod na pagtaas sa presyo ng gasolina at diesel buhat nang sumiklab ang gulo sa pagitan ng Russia at Ukraine.
- Latest