Higit P6 taas sa diesel, higit P2 sa gasolina
MANILA, Philippines — Panibagong big-time increase sa presyo ng mga produktong petrolyo sa bansa ang nakaamba sa susunod na linggo.
Ayon sa isang oil industry source, base sa May 30 to June 3 oil trading, ang presyo kada litro ng diesel ay maaaring tumaas ng mula P6.30 hanggang P6.60.
Samantala sa gasolina ay maaaring madagdagan din ng mula P2.50 hanggang P2.80 kada litro.
Sinabi ni Department of Energy-Oil Industry Management Bureau Director Rino Abad na kabilang sa maaaring mga dahilan nang posibleng pump price hikes ay ang pagtaas ng demand para sa northern hemisphere countries dahil sa summer peak period mula Hunyo hanggang Setyembre; Russian oil ban ng European Union; at pagpapaluwag ng lockdown sa China na inaasahang magpapadagdag din ng oil demand.
Karaniwan nang iniaanunsyo ng mga kumpanya ng langis ang price adjustments tuwing Lunes at ipatutupad naman ito sa susunod na araw ng Martes.
- Latest