Malacañang nagpahatid ng pagbati sa proklamasyon nina Marcos, Sara

MANILA, Philippines — Nagpahatid kahapon nang pagbati ang Malacañang sa matagumpay na proklamasyon nina incoming president  Ferdinand Marcos Jr. at incoming vice-president Sara Duterte-Carpio.

“We congratulate Mr. Ferdinand Romualdez Marcos, Jr. and Ms. Inday Sara Duterte-Carpio on their electoral victory and for their proclamation as President-elect of the Philippines and Vice President-elect of the Philippines, respectively,” nakasaad sa statement ng Palasyo.

Ayon pa sa Malacañang, ang proclamation ceremony ay isang makasaysayang pangyayari sa pulitika ng bansa na nagpapatunay na umiiral ang demokrasya sa Pilipinas.

Muling nanawagan ang Malacañang sa mga mamamayan na suportahan ang mga inihalal na lider ng bansa.

“As both leaders are about to embark on the responsibilities and challenges of their respective offices, we reiterate our call for our people to stand behind our newly elected leaders,” anang statement ng Palasyo.

Tiniyak din ng Office of the President na magiging maayos at tahimik ang pagsasalin ng kapangyarihan sa susunod na Pangulo ng Pilipinas.