Problemang kinaharap sa 2022 elections ‘di na mauulit
MANILA, Philippines — Nangako si Commission on Elections (Comelec) Commissioner George Garcia na hindi na mauulit ang mga problema na kinaharap ngayong 2022 National at Local Elections sa susunod na halalan sa 2025.
Sinabi ni Garcia na ang pangunahing problemang kinaharap nila ay ang napakahabang pila at mga nagloloko na ‘vote counting machines (VCMs)’.
“Sa 2025, anuman ang naranasan natin ng mga nakaraan, dapat hindi na muling mararanasan ito,” ani Garcia.
Una niyang inamin na nasa 1,800 VCMs ang nagloko sa pag-uumpisa pa lamang ng halalan at sa kalagitnaan ng botohan na nagdulot ng mahahabang pila sa mga presinto.
Sinabi rin ng Comelec na hindi na nila gagamitin ang naturang mga VCMs dahil sa mga luma na at hihingi sa Kongreso ng dagdag na pondo para makabili ng mga bagong makina.
- Latest
