Jobless Pinoys, nabawasan

MANILA, Philippines — Nabawasan ang bilang ng mga Filipino na walang trabaho noong buwan ng Marso.

Ayon sa Philippine Statistics Authority, nasa 5.8 percent o katumbas na 2.87 milyong Filipino ang walang trabaho. Mas mababa ito sa 6.4% o 3.13 milyong jobless Pinoys noong Pebrero.

Sinabi pa ng PSA na mas mababa rin ang 5.8% na naitala noong Marso 2022 kumpara sa 7.1% o 3.44 milyon noong Marso 2021.

Tumaas naman ang underemployment o ang bilang ng mga Filipino na nangangailangan ng dagdag na trabaho o oras sa trabaho.

Mula sa 6.38% o 7.42 milyong underemployed noong Pebrero, tumaas ito sa 15.8% o 7.42 milyon noong Marso.

Bahagyang gumanda rin ang employment rate sa bansa sa 94.2% o 46.98 milyon ang may trabaho noong Marso kumpara sa 93.6% o 45.48 milyon noong Pebrero.