Unang kaso ng Omicron sub-variant BA.2.12 nakita sa Baguio City foreigner
MANILA, Philippines — Na-detect na sa Pilipinas ang unang kaso ng "mas nakahahawang" COVID-19 Omicron-BA.2.12. sub-variant sa isang 52-anyos na babae galing sa Finland, ayon sa pinakahuling ulat ng Department of Health (DOH), Miyerkules.
Ito ang natuklasan ng DOH sa pamamagian ng kanilang Center for Health Development (CHD) sa Cordillera Administrative Region.
Kanina lang nang sabihin ng OCTA Research na pwedeng lumobo sa 10,000 ang bagong kaso ng COVID-19 araw-araw kung mapapasok ng new Omicron subvariants ang bansa.
"The DOH surveillance systems detected BA.2.12 in a 52-year-old Finnish female who arrived from Finland last April 2, 2022. The case was not required to undergo routine isolation at a quarantine facility since she was fully vaccinated and arrived asymptomatic," wika ng DOH sa kanilang pahayag.
"The case then traveled to a university in Quezon City and then to Baguio City to conduct seminars. Nine days after her arrival in the country, she experienced mild symptoms such as headache and sore throat."
Sinasabing nagpositibo siya sa COVID-19 RT-PCR test noong sumunod na araw. Umabot sa siyam na asymptomatic close contacts ang agad na natukoy ng local epidemiology and surveillance unit (LESU) matapos magkasa ng contact tracing.
"Two of them were tested and found to be negative," patuloy ng DOH.
"Subsequently, the case has finished her 7-day isolation and has recovered and discharged. The patient returned to her home country on April 21, 2022."
Tiniyak naman ng DOH sa publiko na merong kakayahan ang surveillance systems ng bansa na maka-detect ng panibagong mga kaso at malaman ang kanilang lineage.
Hindi pa idinedeklara bilang variant of interest (VOI) o variant of concern (VOC) ng World Health Organization ang BA.2.12 sa ngayon. Inabisuhan naman ng kagawaran ang lahat na patuloy sumunod sa minimum public health standards upang maiwasan ang pagkakahawa ng anumang COVID-19 variant.
Pinakamainam pa rin daw sa none na magsuot ng face masks, mag-isolate kung magkasakit, magpabakuna at booster shots at tiyakin ang mahusay na airflow.
- Latest
