2nd booster sa vulnerable sectors ilalarga na
MANILA, Philippines — Uumpisahan na ng pamahalaan ang pagtuturok ng ikalawang booster shot sa ‘vulnerable sectors’ sa susunod na linggo.
Sinabi ni Health Undersecretary Myrna Cabotaje na wala nang magaganap na ‘pilot testing’ at agad na itong ipapatupad sa buong bansa target ang mga ‘senior citizens’, ‘immunocompromised’ o iyong may problema sa kalusugan, at health workers.
“No more NCR phase 1. We would like to roll it out nationwide immediately on Monday after we have discussed the guidelines with our implementors,” pahayag ni Cabotaje, siya ring chairperson ng National Vaccination Operations Center (NVOC).
May rekomendasyon na rin ng interval period’ na tatlo hanggang apat na buwan sa una at ikalawang booster shot.
Sinusugan rin ni Cabotaje ang rekomendasyon ng ‘vaccine expert panel’ na gumamit ng ibang brand ng bakuna sa ikalawang booster shot para mas maging epektibo kontra sa COVID-19.
Kung ang COVID-19 naman umano ay magiging katulad na lamang ng trangkaso, tinitingnan ng pamahalaan na gawin isang beses kada taon ang pagpapabakuna ng booster shot.
- Latest
