Taal ‘di nakikitaan ng major eruption – Phivolcs
MANILA, Philippines — Hindi pa kinakikitaan ngayon ng major eruption ang Bulkang Taal hindi katulad ng pagsabog nito noong Enero 2020.
Ito, ayon kay Phivolcs Director Renato Solidum ay dahil sa mga ipinakikitang aktibidad ng bulkan.
Kahapon, 3 phreatomagmatic burst mula sa Main Crater ang naitala na nagdulot ng plume na may taas na 400-800 metro na napadpad sa timog kanluran.
Sa nakalipas na 24 oras, ang Taal Volcano Network ay nakapagtala ng 8 volcanic earthquake. May naganap ding upwelling ng mainit na volcanic gas sa lawa ng crater na lumikha ng plume na may taas na 2,400 metro.
Ang pagbuga ng sulfur dioxide (SO2) ay humigit-kumulang 4,273 tonelada kada araw. Huling nasukat sa lawa ng Main Crater ang mataas na temperatura na 63.7ºC noong Pebrero 25, 2022.
Kasalukuyang nakataas sa Alert Level 3 (Magmatic unrest) ang Taal.
Sa kalagayang ito, ang magma na nanunuot sa ilalim ng Main Crater ay maaaring magdulot ng karagdagan o malakas na pagputok.
- Latest