Mall Exhibit ipakikita ang sustainability at resilience initiatives ng SM Prime, DOST

MANILA, Philippines — Inilunsad ng SM Prime at Department Of Science and Technology (DOST) ang mall exhibit sa iba’t ibang sangay ng SM malls na magpapakita ng katatagan, pagtulong at pagkakaisa sa panahon ng kalamidad.

Sinasabing ang climate change ang malaking ­problema ngayon ng mundo dahil sa patuloy na pagtaas ng global temperatures sa nakaraang mga taon.

Batay sa 2020 Annual Climate Report ng United States’ National Oceanic and Atmospheric Administration, tumaas sa average rate sa 0.8°C ang pinagsamang land at ocean temperature simula 1880.

Muling tumaas ang ave­rage rate 1981 sa 0.18°C.

Lumilitaw sa pag-aaral na posibleng magdulot ng mas maraming pag ulan at bagyo ang climate change na delikado para sa Pilipinas.

Sa tiwala ng publiko, alam ng SM Prime ang kahalagahan ng pagtutulungan at pagkakaisa sa panahon ng kalamidad.

Katuwang ng SM Prime ang ilang mga business units na may kanya kanyang paraan sa pagtugon sa ­kalamidad.

Kabilang dito ang SM Supermalls, SMDC Residences, Commercial Property Group, na tutok sa development at leasing ng office spaces; Leisure Resorts (Tagaytay Highlands and Pico de Loro) at mga Hotels and Convention Centers business unit, na namamahala sa mga hotels at convention centers sa buong bansa.

Binigyan diin ng SM Prime na prayoridad nila ang sustainability at disaster resilience kung saan 10 porsiyento ng kanilang ca­pital expenses ay inilalaan sa kanilang adbokasiya.

“DOST and SM Prime have enjoyed a long-standing partnership in promoting sustainability and disaster resilience in the country. In recent years, working together with visionaries like Undersecretary Dr. Renato Solidum, we have made great strides in facilitating discussions and creating long-term solutions in line with these two advocacies, and we hope to continue building on these achievements toward a more sustainable and disaster-resilient Philippines,” ani SM Supermalls President Steven Tan.