141 Pinoy pa nasa Ukraine
MANILA, Philippines — May 141 pang Filipino ang nasa Ukraine at 45 sa mga ito na nasa kabisera pa ng Kyiv ang ayaw umanong umalis.
Sinabi ni Department of Foreign Affairs Undersecretary for Migrant Workers Sarah Lou Arriola, 15 Pinoy pa ang nasa Lviv, lugar sa Ukraine na malapit sa Poland, habang 55 ang malapit sa boundary ng Ukraine at Poland. Bukod pa rito ang 87 Pinoy seaman na ang barko ay nakadaong sa mga pier ng Ukraine.
Paliwanag ni Arriola sa ngayon ay kalat-kalat pa ang mga Filipino bagamat marami na rin ang nakatawid.
Nagpaabot na umano ng tulong pinansyal ang pamahalaan ng Pilipinas para sa mga Pinoy na nasa Ukraine pa rin.
- Latest