304 iskul sa Alert Level 2 handa na sa face-to-face classes
MANILA, Philippines — Handa na ang 304 public schools sa mga lugar na nasa ilalim ng Alert Level 2 para makiisa sa expansion phase ng face-to-face classes.
Ayon kay Education Assistant Secretary Malcolm Garma, may 6,347 public schools ang sumailalim na sa assessment at handa na sa expansion phase ng limited face-to-face classes.
Gayunman, sinabi ni Garma na 304 public schools ang handa na sa pagsisimula ng ipatutupad na limited face-to-face classes mula nang ang mga lugar nila ay naisailalim sa Alert Level 2.
Sa mga paaraang ito, 12 public schools ay mula sa Region 2; 106 sa Region 3; 54 sa Region IV-A; 9 sa Region VIII; at 123 public schools sa NCR.
Una rito, sinabi ni Education Secretary Leonor Briones na ang mga mag-aaral na makikiisa sa face-to-face classes ay dapat may written consent ng kanilang mga magulang at tanging ang mga bakunadong guro lamang ang maaaring magturo.
- Latest