Panukala vs pag-email, tawag sa empleyado 'outside work hours' inihain sa Kamara
MANILA, Philippines — Posibleng maging iligal na ang pag-kontak ng mga employer sa kanilang mga empleyado matapos ang oras ng trabaho kung maisasabatas ang House Bill 10717.
Sa inihaing "Workers' Rest" bill ni Rep. Joaquin Chipeco (Calamba City) nitong ika-27 ng Enero, layong ilinaw ang "rest hours" ng mga empleyado para itaguyod ang kapakanan nila — mapaparusahan din ang mga boss na susuway dito.
"The advent of instant messaging and many olther means of speedy communications has gradually eroded the personal space of the individual employee," wika ni Chipeco sa kanyang explanatory note.
"The ascendancy of the digital technology, triggered to a great extend by the [COVID-19] pandemic, has practically blurred the delicate line between the home and the workplace so much so that many em,ployees have been reduced to an 'on call' status at practically any time of the day."
Babawalan ang sumusunod kung maipapasa ang HB 10717:
- pag-require sa empleyadong magtrabaho labas sa work hours
- pag-require sa empleyado na mag-duty, bumiyahe, madestino sa isang lugar kaugnay ng trabaho labas sa work hours
- pag-contact sa empleyado para sa trabaho at work-related purposes gamit ang telepono, e-mail, mensahe atbp. komunikasyon labas sa work hours maliban kung sasabihan ang empleyado kaugnay ng emergency o urgent work na nakatakda sa Article 89 at Article 92 ng Labor Code
- pagbibigay ng parusa sa empleyadong hindi sumasagot sa komunikasyon kapag rest hours
Sa ilang pag-aaral, lumalabas daw na maraming manggagawa (lalo na 'yung mga work-from-home) ang nagtratrabaho nang sobra-sobra sa maximum hours of work na hinihingi ng batas sa ilalim ng "new normal."
Wika pa ng mambabatas, hindi ito makabubuti sa mental health ng mga empleyado at makakaapekto na rin sa pakikiisa nila sa kanilang pamilya.
Bago pa man ang COVID-19 pandemic, maraming mga bansa lalo na sa Europa ang nagpapatupad ng "right to disconnect" law gaya ng:
- France
- Portugal
- Italy
- Slovakia
- probinsya ng Ontario sa Canada
So... kelan ang 'rest hours'?
Idine-define ng Section 5 ng panukala ang "rest hours" bilang oras labas sa hours of work ng empleyado:
An employee may not be compelled to render overtime work unless otherwise allowed by Sectiion 89 of the Labor Code of the Philippines or unless the employee freely gives their written consent to render overtime work.
Void din sa ilalim ng panukala ang mga "waiver" sa rest hours o anumang advance consent para magsagawa ng overtime work bilang kondisyon sa pag-hire ng empleyado, re-employment o continued employment.
Ang mga empleyadong nabanggit ay magiging entitled sa payment of penalty sa ilalim ng paragraph 1, Section 6 ng bill para sa mga oras na trinabaho.
Parusa sa lalabag
Kung maisasabatas, ang mga susuway sa mga probisyon ng HB 10717 ay pagbabayarin ng P1,000 kada oras na nalabag sa empleyado. Ang mga naturang bayad ay ibibigay sa nagtrabaho.
Pwedeng kasuhan ng Grave Coercion sa ilalim ng Article 286 ng Act 3815 o Revised Penal Code ang mga gagamit ng dahas para labagin ang Section 5 ng panukala: "[It is] with the penalty next higher in degree imposed."
Maaaring makulong ng hindi hihigit anim na buwan at pagmultahin ng hindi bababa P100,000 ang isang lalabag sa batas oras na makaranas ng diskriminasyon o parusa ang mga employadong naggiit ng kanilang karapatan kaugnay ng panukala.
"The provisions of this Act shall apply to employees in all establishments and undertakings whether for profit or not, but not to field personnel, domestic helpers, persons in the personal service of another, and workers who are paid by results," dagdag pa ng Section 3 ng panukala.
Pending simula pa noong Lunes pa sa House Committee on Labor and Employment ang HB 10717.
Ang HB 10717 ay kahawig ng Senate Bill 2475 ni Sen. Francis Tolentino, bagay na inihain noong ika-17 ng Enero. — James Relativo
- Latest
