COVID-19 saliva tests, isinulong
MANILA, Philippines — Hinikayat ni Philippine Red Cross chairman, Senador Richard Gordon ang Department of Health (DOH) na gamitin ang saliva tests para mapataas ang kapasidad sa pag-detect ng COVID-19 infections sa bansa.
Ayon kay Gordon, bagama’t kinikilala niya na mayroon pang ongoing na pag-aaral ang DOH tungkol sa homemade antigen tests, ay mas mura naman ang saliva test.
Mas maigi anya na gamitin ng DOH ang saliva test sa halip na maglagay ng sariling administered antigen na irereport mo pa.
“Ang problema sa antigen... ‘pag nag-positive ka, mayroon false positive, kung minsan nagpo-false negative,” paliwanag pa niya. “Kaya mabuti na ‘yong RT-PCR pero... mas mura ‘di hamak ang saliva test. ‘Yan ang itutulak ko sa mga probinsiya.”
Una nang pinayagan ng DOH ang PRC na magsagawa ng saliva testing, na nagkakahalaga lamang ng ?2,000 kumpara sa RT-PCR tests na ang presyo ay nasa pagitan ng ?3,000 hanggang ?5,000.
Nagpahayag din ng paniniwala si Gordon na makatutulong ang testing upang masugpo ang pagkalat ng COVID-19 sa bansa.
- Latest