Supporters ni Go magbabarikada sa Comelec

Pag-atras haharangin

MANILA, Philippines — Plano ng mga tagasuporta ni Senador Bong Go na magbarikada sa harap ng tanggapan ng Commission on Elections (Comelec) sa Intramuros, Maynila upang harangan ang mambabatas para hindi niya maisumite ang kaniyang pag-atras sa presidential candidacy sa 2022 Elections.

Kahapon, dumagsa na ang mga miyembro ng partidong Pederalismo ng Dugong Dakilang Samahan (PPDS) kung saan si Go ang kanilang standard bearer at inaantabayanan na ang pagdating ni Go.

Sinabi ni Glenn Badon, executive director ng PPDS, na plano nilang pigilan si Go sa plano niyang pag-atras.

“We are making a barricade for him not to continue getting inside Comelec building. We will talk to him,” ayon kay Badon.

Naiintindihan naman umano nila ang desisyon ni Go ngunit iginiit nila na maaaring emosyonal lamang ang senador dahil sa naiipit sa sitwasyon at iginiit na kaya nilang ipanalo ang kandidato nila.

“We will help him to be courageous and make courageous stand because we are ready to be always at his back,” dagdag pa ni Badon.