4-door policy inilatag vs Omicron
MANILA, Philippines — Nagpapatupad na ang gobyerno ng 4-door policy upang mapigilan ang pagpasok sa bansa ng Omicron variant ng COVID-19.
Sinabi ni Cabinet Secretary at acting presidential spokesperson Karlo Nograles na gumagana na ang 4-door policy na sasala sa mga international travellers.
Ituturing na unang pinto o door number 1 ang travel restrictions sa mga bansa na posibleng panggalingan ng Omicron variant.
Ang door 2 naman aniya ay ang quarantine at testing protocols na ginagawa sa mga international travellers na dumarating sa Pilipinas.
Samantala ang door 3 naman aniya ay ang patuloy na pagpapaalala sa mga local government units na pagpapatupad ng PDITR - Prevention, Detection, Isolation, Treatment and Reintegration.
Habang ang door 4 naman aniya ay ang local at granular lockdowns kung kinakailangang gawin, kung may mga surge na nakikita sa mga LGUs, sa mga barangays at sa mga purok.
- Latest