Pinsala ni ‘Maring’ sa agrikultura, umabot na sa P1.74 bilyon
MANILA, Philippines — Umaabot na sa P1.74 bilyong halaga ang naging pinsala ng bagyong Maring sa agrikultura lalo na sa hilagang Luzon at mga lugar sa Visayas.
Ayon sa Department of Agriculture (DA), winasak ng naturang bagyo ang may 68,137 ektarya ng agricultural areas na nakaapekto sa may 56,718 magsasaka at mangingisda.
Ang naturang pinsala ay may katumbas na 91,422 metric tons ng agricultural production.
Sinasabing ang higit na dumanas ng malaking epekto ng bagyo sa agrikultura ay ang mga lugar ng Cordillera Administrative Region, Ilocos Region, Cagayan Valley, Central Luzon, MIMAROPA, Bicol Region, Western Visayas, at SOCCSKSARGEN.
Higit na naapektuhan ang mga pataniman ng palay, mais, high-value crops, manukan, pangisdaan, irigasyon at agri-facilities.
- Latest