NCR curfew iiskian simula bukas: Hatinggabi hanggang 4 a.m. na lang
MANILA, Philippines — Apat na oras na lang ipinatutupad ang curfew "laban sa COVID-19" sa mga susunod na araw dahil sa pagkaonti ng mga viral infections sa Metro Manila, pagkukumpirma ng Metropolitan Manila Development Authority (MMDA).
Ang MMDA Resolution 21-23 Series of 2021, na nilagdaan ng 17 mayors ng National Capital Region, ay ibinahagi ni Metro Manila Council chair at Parañaque City Mayor Edwin Olivarez, Martes.
"[On] 10 October 2021, the Department of Health (DOH) has reported that there is a general dewcrease in COVID-19 active cases in the National Region on account of rapid and efficient detect and isolate strategies and enhanced vaccination efforts, among others," ayon sa MMDA resolution.
"[The] Metro Manila Council shall set the standardized and unified curfew hours in the [NCR] from 12:00 midnight to 4:00 a.m."
Magiging epektibo ito simula ika-13 ng Oktubre 2021, Miyerkules, sa pamamagitan ng Metro Manila LGUs habang hinihikayat ang lahat na sumunod sa pagpapatupad ng COVID-19 protocols at minimum public health standards.
Kanya-kanyang post na rin ang mga Metro Manila LGUs sa social media tanda ng kanilang pagtalima sa desisyon ng konseho at MMDA.
Simula po Oct. 13, 2021, ang curfew po sa San Juan at sa buong Metro Manila ay iiksian na. Ito may magiging 12am to 4am na po. Para sa kaalaman ng lahat. pic.twitter.com/OWu8vOSlKz
— Mayor Francis Zamora (@franciszamora30) October 12, 2021
ADVISORY: Shortened curfew hours from 12mn-4am will be implemented in Metro Manila starting tomorrow, October 13, 2021. pic.twitter.com/yFE2fL6idC
— valenzuelacity (@valenzuelacity) October 12, 2021
BREAKING: Mas maikling curfew hours ipatutupad simula October 13, 2021, sa oras na 12MN hanggang 4AM, ayon sa anunsyo ng Metro Manila Council Chair Edwin Olivarez.#LPCUpdate #COVID19PH pic.twitter.com/tox4O9zmkx
— Las Piñas City Update (@pinas_city) October 12, 2021
NEW CURFEW HOURS: Simula October 13, 2021, ang curfew hours sa Muntinlupa at buong Metro Manila ay magiging 12:00 AM - 4:00 AM. Ito ay alinsunod sa kasunduan ng mga Metro Manila mayors at MMDA Resolution No. 21-23 Series of 2021. pic.twitter.com/n3YHRw6jCi
— OFFICIAL MUNTINLUPA (@OFFICIALMUNTI) October 12, 2021
Ang resolusyon ay agad-agad na magiging epektibo matapos itong mailathala sa dalawang pahayagan na may general circulation at maisumite sa Office of the National Administrative Register, UP Law Center.
Sa huling taya ng Department of Health, umabot na sa 2.67 milyon ang tinatamaan ng COVID-19 sa Pilipinas. Patay na ang 39,660 sa bilang na 'yan. — James Relativo
- Latest
