Ayaw magpabakuna, gagamitan ng police power - Duterte
MANILA, Philippines — Muling nagbanta si Pangulong Rodrigo Duterte na gagamitin ang police power ng gobyerno sa mga ayaw magpabakuna laban sa COVID-19.
Ayon sa Pangulo, sa mga ordinaryong araw na walang pandemya ay hindi nakialam ang gobyerno at hindi namimilit ng kahit anong relihiyon o paniniwala na gawin ang isang bagay.
Pero ibang usapan aniya kung ilalagay sa panganib ng mga ayaw magpabakuna ang buhay ng mga mamamayan.
Sabi pa ni Duterte, taliwas sa opinyon ng iba, maaaring pilitin ng estado ang mga mamamayan na magpabakuna.
Pinalalayas din ng Pangulo sa serbisyo ang mga nagsisilbi sa gobyerno pero ayaw magpabakuna.
Mapanganib aniya ang mga taong gobyerno na ayaw magpabakuna dahil humaharap sila sa mga mamamayan.
Binanggit din niya na maaring pakialaman ng pulisya ang pribadong buhay ng mga ayaw magpabakuna dahil sa kanilang paniniwala dahil puwedeng sila ang magpakalat ng virus.
- Latest
