Bar Exams iniurong sa Enero-Pebrero 2022

MANILA, Philippines — Nagdesisyon ang Supreme Court (SC) na ilipat ang 2021 Bar Exams sa Enero hangggang Pebrero 2022 bilang kunsiderasyon pa rin sa kaligtasan ng mga partisipante sa COVID-19.

Naging unanimous ang boto ng SC en banc na ilipat ang bar exams na unang naka-iskedyul sa Nobyembre na isasagawa na sa Enero 16, 23, 30 at Pebrero 6, 2022.  Base ito sa panukala ni Bar Exams chair Justice Marvic Leonen.

Sinabi ni Leonen na ang paglilipat ng iskedyul ay makaraang ikunsidera nila ng sitwasyon sa COVID-19 ng bansa at mga testing sites, maging ang mga payo ng iba’t ibang mga eksperto.

Kasunod nito, muling bubuksan ng SC ang aplikasyon para sa mga nagnanais na kumuha ng pagsusulit upang maging ganap na abogado.