Pagpapalawig ng voter’s registration hanggang Oktubre 31 aprub sa Senado

MANILA, Philippines — Inaprubahan na ng Senado sa ikatlo at pinal na pagbasa ang panukalang batas na magpapalawig ng voter registration period.

Sa botong 23-pabor na walang tutol at walang abstention ay pinagtibay ang Senate Bill 2408 na mula sa Setyembre 30, 2021 ay pinauurong ng mga senador ang rehistrasyon ng mga botante hanggang Oktubre 31, 2021.

Paliwanag ng mga Senador dapat itong palawigin para magkaroon ng pagkakataon na magparehistro ang nasa 12 milyon pang eligible voters.

Nabawasan umano ng pagkakataon ang mga Filipino na magparehistro dahil sa mga lockdown at quarantine measures na pinaiiral dahil sa COVID pandemic.