Bong Go: Malasakit Centers, tanda ng ginhawa ng serbisyo ng gobyerno
MANILA, Philippines — Ikinagalak ni Senator Christopher “Bong” Go ang pagtatayo ng Malasakit Center sa anim na probinsiya sa Western Visayas na pawang “operational” na lahat sa pagsasabing ang mga nasabing center ay palatandaan ng pagsisikap ng administrasyong Duterte na mailapit sa taumbayan, lalo sa mahihirap, ang ginhawa ng serbisyong mula sa gobyerno.
Ayon kay Senator Go, ang Malasakit Centers ay pagpapakita rin ng pagsisikap ng gobyernong maibigay ang maayos na healthcare system o disenteng pangangalaga sa kalusugan na karapatan ng bawat Filipino.
“Siguraduhin po natin na patuloy ang pagbubukas ng Malasakit Centers sa iba’t ibang parte ng bansa upang mas mailapit sa tao ang ginhawa ng serbisyong dapat nilang makuha,” ayon kay Go, chairman ng Senate Committee on Health.
Sa kasalukuyan ay mayroon nang 141 gumaganang Malasakit Centers sa iba’t ibang panig ng bansa, ang siyam ay nakakalat sa iba’t ibang ospital sa Western Visayas.
Nang mapasimulan ang Malasakit Center sa Cebu City noong 2018, higit 2 milyon nang pasyente sa buong bansa ang naserbisyohan at natulungan na nito.
- Latest