CHR suportado COVID-19 booster shot priority sa mga healthcare workers
MANILA, Philippines — Suportado ng Commission on Human Rights (CHR) ang panungalang unahin ang mga manggagawang pangkalusugan sa mga posibleng makakuha ng ikatlong dose ng bakuna laban sa coronavirus disease (COVID-19) oras na lumarga ito.
Ito'y pagsegunda sa naunang pahayag ni vaccine czar Carlito Galvez Jr. noong ika-13 ng Setyembre na gawing prayoridad ang medical frontliners pagdating sa "booster shots," bagay na hindi pa opisyal na inirerekomenda ng Department of Health (DOH).
"While the World Health Organization has yet to recommend the use of booster shots, evidence and recommendations from medical experts suggest that some healthcare workers inoculated with certain vaccines may experience waning protection against Covid," ani CHR spokesperson Jacqueline Ann de Guia sa isang pagayag, Lunes.
"[T]here is no denying that more and more frontliners are increasingly at risk of breakthrough infections in the midst of the highly transmissible Delta variant which has rapidly become the dominant Covid strain in the country."
Tumutukoy ang breakthrough infections sa pagkakahawa ng COVID-19 kahit na nakatanggap na ng kumpletong bakuna rito.
Agosto lang nang sabihin ng Food and Drug Administration na tanging 0.0013% sa 9 milyong fully-vaccinated laban sa virus ang nakaranas ng breakthrough infection sa nakamamatay na sakit.
Linggo lang nang umabot sa 2.36 milyon ang tinamaan ng COVID-19 sa Pilipinas. Sa bilang na 'yan, 36,788 na ang namamatay, ayon sa DOH.
"As we await further recommendations from the Vaccine Expert Panel of the Department of Science and Technology, the Commission remains hopeful that should the administration booster shoots be approved, ample vaccine supplies will be ready for medical workers and immunocompromised individuals," dagdag pa ni De Guia.
"Ultimately, the best way we can stop Covid and its mutations is to prevent its transmission. There is no mutation with no replication. Hence, the Commission urges everyone for their continued vigilance and exercise of health precautions during this pandemic."
'Kung sapat na ang suplay'
Bagama't hindi pa tuwirang inirerekomenda ng DOH, una nang sinabi ni Health Undersecretary Maria Rosario Vergeire na maaari itong mangyari oras na marami nang nakakuha ng kumpletong bakuna sa Pilipinas.
"Titingnan natin ang stability ng supplies natin... Kapag naabot na ang 50% vaccination sa lahat ng bahagi ng bansa, maaari nang pag-usapan ang booster shot," wika ng DOH official.
Isang vaccine expert panel member sa ngayon sa katauhan ni Rontgene Solante ang nagtutulak ng nasabing pagtuturok ng booster shots sa health care workers na direktang nag-aalaga ng COVID-19 patients, bagay na dapat daw ibigay anim hanggang walong buwan matapos makumpleto ang kanilang immunization.
Ika-19 lang ng Agosto nang sabihin ni presidential spokesperson Harry Roque na nasa P45.36 bilyon ang ilalan ng gobyerno para sa COVID-19 booster shots sa mungkahing 2022 national budget.
- Latest
