Pacquiao: Cusi tinatarget ang executive secretary post
MANILA, Philippines — Gusto umanong masungkit ni Energy Secretary Alfonso Cusi ang posisyon bilang executive secretary sa susunod na taon kung mananalo ang manok ng kaniyang faction sa 2022 elections, pagbubunyag ni Sen. Manny Pacquiao nitong Sabado.
“Ito kasing si Cusi, para malaman ng tao, gusto niyang mahawakan, ma-control ang PDP party para kung sino ang manalong Presidente, i-package niya, makahingi siya ng mataas na posisyon especially ‘yung hinahangad niya na maging executive secretary siya. ‘Yun ang gusto niya,” ayon kay Pacquiao.
Gusto lamang aniya na gamitin ni Cusi ang kaniyang faction sa PDP-Laban bilang “stepping stone” sa kaniyang career.
“Itong partido, hindi ito para sa sariling kapakanan lang, kundi para sa masang Pilipino, para sa mga kababayan na naagrabyado at naghihirap at nagugutom,” dagdag ni Pacquiao.
“Marami tayong information sa loob. Nagli-leak naman ‘yan,” ani pa ng senador.
Wala namang naging komento si Cusi kaugnay sa ibinatong alegasyon ni Pacquiao.
Noong Hulyo, pinatalsik si Pacquiao bilang party president, kapalit si Cusi.
Subalit ang faction ni Pacquiao ay nanatili at siya namang nagtanggal kay Pangulong Rodrigo Duterte bilang party chairman at ipinalit si Sen. Aquilino “Koko” Pimentel III, kung saan founder ng partido ang ama na si dating Senator Aquilino “Nene” Pimentel Jr.
Iginiit naman ni Pacquiao na ang legal na faction ay ang kaniyang faction
- Latest