Moderna sa edad 12-17 ‘di pa rekomendado – DOH
MANILA, Philippines — Hindi pa inirerekomenda ng Department of Health (DOH) at health experts ang pagbabakuna sa mga kabataan sa kabila ng pag-iisyu ng emergency use authorization (EUA) ng Food and Drug Administration sa paggamit ng Moderna vaccine.
Paliwanag ni Health Undersecretary Maria Rosario Vergeire, kailangan pa ang mas masusing pag-aaral at posibleng maglalabas din ng rekomendasyon ang DOH sa mga susunod na buwan.
Nitong Biyernes ay inaprubahan ng FDA ang amended EUA ng Moderna para magamit sa 12-anyos, bagama’t may babala rin siya na maari itong magdulot ng myocarditis, na ang ratio ay isa sa bawat isang milyong kaso at mas madalas tamaan ang mga kabataang lalaki.
Nilinaw niya rin na dahil sa rami ng mga kabataang kinakapitan ng Delta variant, nakita ng mga eksperto na mas may benepisyo ang mabakunahan kumpara sa dalang panganib nito.
- Latest
