Sen. Lito Lapid nahawaan na rin ng COVID-19

MANILA, Philippines — Nagpositbo sa nakamamatay na coronavirus disease (COVID-19) ang aktor at mambabatas na si Sen. Lito Lapid, ayon sa kanyang kampo ngayong umaga.

Ang balita ay kinumpirma ni Jericho Acedera, chief-of-staff ni Lapid: "We wish to confirm that unfortunately, Pinuno tested positive in his Covid 19 RT-PCR test," ani Acedera, Lunes.

"He is currently undergoing treatment at the Medical City Clark where his doctors consider his case asw mild to moderate."

Senator Lito Lapid confirmed COVID-19 positive by his Chief-of-staff Atty. Jericho Acedera. He is currently undergoing treatment at Medical City Clark. | @bworldph pic.twitter.com/uPgIf1JBd0

— Alyssa Tan (@alytanBW) August 23, 2021

"Pinuno" ang tawag kay Lapid noong umaarte pa siya sa Kapamilya series na "Ang Probinsyano" kasama ang aktor na si Coco Martin.

Inatasan na lahat ng kanyang nakasalamuha na agad magpa-test at sumunod sa COVID-19 health protocols.

Wala naman gaanong na-expose sa staff ni Lapid lalo na't hindi nagsasagawa ng sesyon ngayon ang Senado, maiban sa kanyang personal at close-in employees. Pare-parehong nagnegatibo sa kanilang antigen tests ang huli at hindi raw nagpapkita ng sintomas ng sakit.

"We enjoin everyone to pray that his health and of all those infected continue to improve, and more importantly, for this pandemic to soon be over," panapos ni Acedera.

Sa huling ulat ng Deparment of Health nitong Linggo, umabot na sa 1.83 milyon ang nahahawaan ng COVID-19 sa bansa. Sa bilang na 'yan, patay na ang 31,810. — James Relativo at may mga ulat mula sa BusinessWorld