US pinaiiwas bumiyahe sa Pinas ang ‘di bakunado

MANILA, Philippines — Pinayuhan kahapon ng US Centers for Disease Control and Prevention (CDC) ang mga hindi bakunadong indibiduwal na iwasang bumiyahe sa Pilipinas at sa iba pang bansa na nasa kategorya ng level 3 o ‘COVID-19 High’.

Bukod sa Pilipinas, kabilang sa nasa ilalim ng level 3 ay ang India, Italy, Japan, Guam, Cambodia, Belgium, Peru, Russia, Norway, Sweden, Switzerland, Vietnam, Turkey at iba pa.

Samantala, pinayuhan din ng US CDC ang kanilang mamamayan na iwasan magbiyahe sa lugar na nasa ilalim ng nasa alert level 4 (COVID-19 Very High).

Kabilang sa mga bansa nasa alert level 4 ay ang Brazil, France, Greece Bangladesh, Argentina, Malaysia, Iran, Iraq, Portugal, Spain, UAE, United Kingdom at iba pa.

Iginiit ng US CDC na kung hindi maiiwasang magtungo sa mga nabanggit na lugar ay dapat siguruhin na fully vaccinated sila bago ang biyahe.

Natukoy na rin ng US CDC ang ilang lugar na nasa ilalim ng Level 2 o COVID-19 Moderate at level 1 o COVID-19 Low.