9.1 milyong Pinoy bakunado na - DOH
MANILA, Philippines — Umabot na sa mahigit 9.1 milyong Pinoy ang fully-vaccinated laban sa COVID-19.
Sa pinakahuling vaccine bulletin na inilabas ng DOH, hanggang Agosto 1 ay nasa 20,863,544 doses ang nai-administer sa bansa may limang buwan nang simulan ang COVID-19 vaccination sa Pilipinas noong Marso.
Sa nasabing bilang, 11,747,581 ang nakatanggap ng first dose na kinabibilangan ng 1,995,926 frontline health workers (A1 category); 2,884,325 senior citizens (A2 category); 3,770,784 persons with comorbidities (A3 category); 2,623,263 essential workers (A4 category) at 473,283 indigents (A5 category).
Habang 9,115,963 ang fully vaccinated kung saan 1,571,843 (A1); 2,616,273 (A2); 3,327,621 (A3); 1,295,610 (A4); at 304,616 (A5).
Ayon pa sa DOH, nakakapagbakuna ang bansa ng average na 523,018 doses kada araw nitong nakalipas na linggo, mas mataas sa target na 500,000 jabs lamang kada araw.
- Latest
