Malacañang binati ang Pinoy athletes na namumurong mag-uwi ng medalya
MANILA, Philippines — Binati kahapon ng Malacañang ang mga atletang Pinoy sa Tokyo Olympics na namumurong makapag-uwi muli ng medalya para sa Pilipinas katulad ni Hidilyn Diaz.
Kabilang rito sina Nesthy Petecio na nanalo sa women’s boxing featherweight semifinals sa Tokyo Olympics, si EJ Obiena na pasok na sa finals ng Men’s Pole Vault at Carlo Paalam na umusad sa quarter finals sa men’s boxing flyweight class.
Sinabi ni Presidential spokesperson Harry Roque na nakikiisa ang Malacañang sa sambayanang Filipino sa pagbubunyi sa ipinakitang galing ng mga atletang Filipino sa kanilang laban kahapon.
Idinagdag din ni Roque na nagdarasal ang buong bansa para sa mga atleta at sa pagpupunyagi nila na makapag-uwi ng gintong medalya para sa Pilipinas.
- Latest