Pagbabakuna bilisan - Duterte
MANILA, Philippines — Pinabibilisan ni Pangulong Rodrigo Duterte ang pagbabakuna dahil nakakatakot ang Delta variant ng COVID-19 na apat na beses na mas agresibo at mas nakakahawa.
“Itong variant Delta is causing so much scary stories for us kaya kung sabi na four times more aggressive, more transmis-sibility is faster than the usual COVID-19, nakakatakot nga,” ani Duterte.
Ayon sa Pangulo, ang pinakamabisang panlaban sa Delta variant ay ang mas mabilis na pagbabakuna sa mga mamamayan.
Umaasa rin si Duterte na patuloy na darating ang bakuna sa bansa.
Idinagdag niya na huwag nang hintayin ang nangyari sa Indonesia, Malaysia at Thailand kung saan marami na ang namatay at parang bumalik sa unang araw na nagkaroon ng pandemya.
Ipinaalala rin ni Duterte na huwag magpakakampante ang mga kumpleto na ang bakuna dahil mas marami pa ang hindi nababakunahan.
At kung ayaw anya magpabakuna ng mga nasa listahan ng prayoridad ay ibigay na ang bakuna sa publiko.
- Latest