Pacquiao ‘welcome’ na presidential bet sa 1Sambayan
MANILA, Philippines — Posibleng maging presidential candidate sa 2022 elections ng 1Sambayan si Sen. Manny Pacquiao.
Sinabi ni Fr. Albert Alejo, isa sa convenors ng coalition na kung mayroong mga kaibigan si Pacquiao na magno-nominate sa 1Sambayan ay welcome ito.
Kung may mag-nominate man sa senador ay tatanungin siya kung handa siya na sumailalim sa selection process ng 1Sambayan at kung pumayag si Pacquiao ay saka siya iinterbyuhin at sasailalim sa screening ayon sa criteria ng kanilang grupo.
Nauna nang sinarado ng grupo ang kanilang pintuan sa posibilidad na maging nominado ang mambabatas sa pagka-presidente o bise Presidente.
Matatandaan na maging si retired Supreme Court Associate Justice Antonio Carpio ay nagsabi na kulang si Pacquiao sa kakayahan dahil sa palagi itong absent sa kongreso at hindi maaaring ikonsidera para sa 2022 national elections dahil kaalyado rin siya ng administrasyong Duterte.
Subalit nagbago ang tono ng opposition coalition matapos na kontrahin ni Pacquiao si Duterte habang malakas naman ang ugong na patatalsikin sa ruling party na PDP-Laban ang senador.
Related video:
- Latest
