GCQ pa rin sa NCR hanggang Hulyo 31

MANILA, Philippines — Inaprubahan ni Pangulong Rodrigo Duterte ang pagpapalawig ng Ge­neral Community Quarantine (GCQ) sa National Capital Region mula Hulyo 16 hanggang Hulyo 31.

Iiral din ang GCQ sa Baguio City at Apayao sa Cordillera Administrative Region; Santiago City, Isabela, Nueva Vizcaya at  Quirino sa Region 2; Bulacan sa Region3; Cavite, Rizal, Quezon at  Batangas sa Region 4-A; Puerto Prin­cesa sa Region 4-B; Guimaras at Negros Occidental sa Region 6; Zamboanga Sibugay, Zamboanga City at Zamboanga del Norte sa Region 9; Davao Oriental sa Region 11; General Santos City, Sultan Kudarat, Sarangani, Cotabato at South Cotabato sa Region 12; Agusan del Norte, Surigao del Norte, Agusan del Sur, Dinagat Islands, at Surigao del Sur sa CARAGA; at  Cotabato City sa BARMM.

Inilagay din sa GCQ pero may “heightened res­trictions” mula Hulyo 16 hanggang Hulyo 31, 2021 ang Cagayan sa Region 2; Laguna at  Lucena City sa Region4-A; Naga City sa Region 5; Negros Oriental sa Region 7; Zamboanga del Sur sa Region 9; at  Davao City sa Region 11.

Ang  Aklan, Bacolod City, Antique, at  Capiz sa Region 6 ay nasa ilalim din ng GCQ na may “heigh­tened restrictions” mula Hulyo 16 hanggang Hulyo 22, 2021.

Samantala, ang Bataan sa Region 3; Cagayan de Oro City sa Region 10; Davao Occidental, Davao de Oro, Davao del Sur, at  Davao del Norte sa Region 11; at  Butuan City sa CARAGA ay nasa ilalim ng Modified Enhanced Community Quarantine (MECQ) mula Hulyo 16-31, 2021.

Ang Iloilo City at  Iloilo sa Region 6 ay MECQ pero hanggang Hulyo 22, 2021 lamang.

Lahat ng mga lugar sa bansa maliban sa mga nabanggit ay inilagay sa ilalim ng Modified Ge­neral Community Quarantine (MGCQ)  mula Hulyo 16, 2021 hanggang Hulyo 31, 2021.