Duterte panakot lang ang planong mag-VP

MANILA, Philippines — Inamin ni Pangulong Rodrigo Duterte na panakot lang niya ang planong pagtakbong bise presidente ng bansa.

Pero sinabi rin ng Pangulo na itutuloy niya ang pagkandidato kung ito ay makakabuti sa bansa.

“Ako naman ‘yung vice president ko pantakot lang sa kanila ‘yan. But sabi ko, let us see if it is --- kaya ako, if it is good for the country, I will do it,” ani Duterte.

Kung hindi naman makakatulong sa Republika ay hindi siya tatakbo dahil makakadagdag lang ito sa kaguluhan.

Matatandaan na mismong ang partido ni Duterte na PDP-Laban ang humihikayat sa kanya na tumakbong bise presidente sa susunod na taon

Kumbinsido naman si chief presidential legal counsel Salvador Panelo na walang legal na balakid sakaling kumandidatong bise presidente si Duterte.