#BrigadangAyala: Globe and partners, nagbigay ng ayuda sa medical frontliners
MANILA, Philippines — Bilang pasasalamat sa mga medical frontliners, namahagi ang Globe at ang mga partners nito ng WiFi kits, entertainment packages, grocery, medical supplies, insurance vouchers, at cash support sa tatlong public hospitals bilang tugon ng Globe sa #BrigadangAyala.
Makakatanggap ng 50 Globe MyFi devices na may kasamang free 9 GB data ang mga medical frontliners sa UP-Philippine General Hospital (PGH), National Children’s Hospital (NCH), at Tondo Medical Center (TMC).
Makakatanggap din mula sa Ayala Corp., sa pamamagitan ng Ayala Foundation, ang bawat nasabing ospital ng P500,000 at pondong makakalap mula sa Globe Rewards at GCash.
Meron ding smart TVs na may kasamang Globe Home Prepaid WiFi with 10 GB data para sa mga COVID at cancer wards nito at mga Emergency Room at Out-Patient Departments.
Ang AC Health’s Generika naman ay nakapagbigay ng 500 immunity booster packages para sa PGH frontliners. Namahagi rin ang Century Pacific Food ng 500 nutrient-rich food packages para sa NCH staff at patients. Sagot ng Purego ang P200 vouchers para sa TMC employees at namahagi ang GCash ng libreng GInsure package with Covid and Dengue coverage for 3 months sa 500 na TMC fronliners.
Nakapagbigay na ng mahigit P22 million worth of COVID and pediatric cancer supplies ang Globe mula 2020.
- Latest
