Mababang ranking ng Philippine passport pinuna
MANILA, Philippines — Nababahala si Senador Francis Tolentino sa mababang ranking ng Philippine passports na pang-77 sa 2021 Henley Passport Index.
Sa pagdinig ng Senate Committee on Foreign Affairs na pinamumunuan ni Sen. Koko Pimentel, sinabi ni Tolentino na ang pasaporte natin ay ‘badge of citizenship’ kaya dapat ay proud tayo rito.
Subalit kung downgraded umano ang pasaporte natin ay medyo downgraded din ang pagtanggap sa atin ng host country na ating pupuntahan.
Paliwanag pa ng Senador na sa pagpuwesto ng Philippine passport na ika-77, ibig sabihin nito ay maaring magamit ito sa 66 bansa ng hindi nangangailangan ng visa at sa 160 destinasyon sa mundo na kailangan naman ng visa.
Hinikayat naman ni Tolento ang Department of Foreign Affairs na magpasaklolo sa Philippine Postal Service para sa mga passport applications na ginagawa na sa US at European Union.
- Latest
