Patay sa pagbagsak ng eroplano ng militar sa Sulu sumipa sa 50 katao
MANILA, Philippines — Umakyat pa lalo ang bilang ng mga nasawi sa pagbagsak ng isang eroplano sa Mindanao, pagkukumpirma ng Armed Forces of the Philippines sa publiko ngayong Lunes.
Kasama sa mga namatay ang 47 sundalong sakay ng C-130 Hercules transport plane, kasama ang tatlong sibilyan. 'Yan ang ibinahagi ni Armed Forces of the Philippines spokesperson Edgard Arevalo sa panayam ng DZMM Teleradyo kanina.
Nakatakda sana silang tumulong sa pagsugpo ng teroristang grupong Abu Sayyaf sa probinsya ng Sulu bago madisgrasya.
"They were supposed to serve under the 11th Infantry Division in Sulu… They were supposed to augment forces there," ani Arevalo sa isang panayam.
"These are seasoned pilots and experienced crew… According to initial information that we have now, their speed was right."
Nagpaabot din ng pakikiramay si US National Security Advisor Jake Sullivan sa nasabing military plane crash, lalo na't kilalang matagal nang magkaalyado ang Pilipinas at Estados Unidos.
"On behalf of the United States, I offer our deep condolences to the people of the Philippines regarding the tragic plane crash in which several dozen service members were killed.," ani Sullivan.
"Our thoughts are with those who were injured and the families of those who were lost. We stand shoulder to shoulder with our Philippine allies at this difficult time and are ready to provide all appropriate support to the Philippines’ response effort."
49 sugatan
Maliban sa mga nasawi, sugatan naman ang 49 iba pang sundalo kasama ang apat na sibilyan.
Linggo nang bumagsak at tupukin ng apoy ang naturang sasakyang panghimpapawid sa Patikul, Sulu habang sinusubukang lumapag.
Unang naibalikang 31 ang namatay sa insidente mula sa kabuuang 96 pasahero. marami sa kanila ay kaka-graduate lang mula sa basic military training at itatalaga pa lang sana sa nabanggit na isla.
Pinaghahanap pa ngayon ang ilang bahagi ng eroplano kasama ang flight recorder na kung tawagfin ay "black box," na isang mahalagang instrumentong ginagamit para alamin ang tunay na pinanggagalingan ng mga disgrasya sa ere.
Modernisasyon ng fleet
Nakikiramay naman si House Speaker Lord Allan Velasco sa mga naulila ng naturang insidente, habang ipinangangako ang pagmomodernisa ng mga naturang military aircrafts.
"There are simply no words that can be said to console those left behind by our brave military personnel, as well as the three civilians who died as a result of this disaster," ani Velasco kanina.
"I can only give my word that we in the House of Representatives will include in the 2022 budget the modernization of the PAF’s fleet as well as ensure the proper training of personnel in handling modern equipment."
Kasalukuyang nakasunpinde ang mga sesyon habang nagpapatawag ngayon ng special session si Pangulong Rodrigo Duterte para maiwasan ang re-enactment ng 2020 national budget.
Nananawagan naman ngayon ang Kamara sa AFP na imbestigahan nang husto ang insidente upang maiwasan itong maulit. — may mga ulat mula kina Gaea Katreena Cabico at Kristine Joy Patag
- Latest
