Bagong ‘Delta Plus’ variant binabantayan
MANILA, Philippines — Sa kabila ng mahigpit na pagbabantay sa mas mapanganib at madaling makahawa na Delta variant, sinabi ng Department of Health na patuloy naman ang pag-aaral sa sinasabing bagong variant na “Delta Plus” mula India.
Ito’y matapos ideklara ng pamahalaan sa India na ‘variant of concern’ ang bagong uri ng Delta COVID-19 variant makaraang halos dalawang dosena na ang dinadapuan nito sa bansa.
Tinukoy ang variant na AY.1 o lokal na tinatawag na Delta Plus at unang natukoy sa Europa, ayon sa India health ministry.
May 22 kaso na nito sa India at natukoy sa mga estado ng Maharashtra, Kerala at Ma-dhya Pradesh.
Pinayuhan na ang tatlong estado na palakasin pa ang kanilang testing sa populasyon para matukoy kung ga-ano kakalat ang virus.
Ayon sa Indian SARS-CoV-2 Genomic Consortia (INSACOG), may tatlong katangian ang bagong variant.
Una, mas mabilis itong maihawa; ikalawa, bumabalot ito sa mga cells ng baga; at ikatlo, may posibilidad na makakaiwas ito sa antibody ng tao.
Nabatid na nabuo ang Delta Plus variant dahil sa mutation ng orihinal na Delta strain na unang natagpuan sa India at tinutukoy na dahilan ng matinding ‘second wave’ ng virus sa naturang bansa.
Kung hindi agad maaksyunan, pinanga-ngambahan na maaa-ring magdulot ng ikatlong wave ang naturang variant.
- Latest