DOH: Paghihiwalay sa bakunado at ‘di bakunado mahabang diskusyon
MANILA, Philippines — Aminado ang Department of Health na mahabang diskusyon ang isyu sa isinusulong na paghihiwalay sa mga bakunado at hindi pa sa mga tanggapan at pampublikong lugar.
Ayon kay DOH Undersecretary Maria Rosario Vergeire, titingnan kasi rito ang tungkol sa karapatang pantao na posibleng malabag kapag pinaghiwalay ang mga bakunado sa mga hindi bakunado kontra COVID-19
“Mahaba pong diskusyon iyan…and I think the other agencies should be able to provide their recommendations as well,” ani Vergeire
Anya, mas mabuti pa ring sumunod sa minimum public health standard ang lahat upang lumiit ang tiyansa na magkawahan.
Matatandaan na inilutang ni Presidential Adviser for Entrepreneurship and Go Negosyo founder Joey Concepcion kamakailan ang paghihiwalay sa mga bakuna at mga hindi bakunado lalo na sa mga opisina.
“If there are some employees who have not taken the vaccine or don’t want to take the vaccine, we may have to isolate them in another section. They are still going to be our employees, but we will have to find a way to protect them from possibly infecting those who have been vaccinated. This is something that we are looking into,” ani Concepcion sa panayam ng CNN.
Posible rin aniyang paghiwalayin ang mga bakunado sa mga hindi sa mga elevators, offices, fine dining restaurants, sinehan, gyms, at mga enclosed places na hindi maganda ang ventilation.
- Latest