Yosi, vape sa public transpo giit i-ban
MANILA, Philippines — Nanawagan sa gobyerno ang health advocate group na seryosohin ang pagbabawal sa paninigarilyo at paggamit ng vape at alisin na ang smoking areas sa lahat ng public transport areas kung saan nagtitipon ang mga tao.
Sinabi ni Atty. Benedict Nisperos, legal consultant ng Health Justice Philippines, mahigpit dapat na ipatupad ng concerned government agencies ang mga patakarang ito sa mga bus, taxi, train, airports at mga pantalan.
“Sinabi po ng World Health Organizations, Department of Health at ng mas nakararaming eksperto at syentipiko na “There is no safe level of exposure to tobacco smoke.” Kaya naman ang pangunahin po nating isipin ay ang ating kalusugan at paggawa ng paraan na maiwas sa masamang epekto ng mga produktong tabako. Kasama na riyan ang sigarilyo, vape at heated tobacco products,” ani Niperos.
Nakakaalarma umano ang 20 milyon katao na lantad sa usok ng sigarilyo sa mga public transportation sa bansa.
“This is a huge number. If we are going to look at it, we should be very concerned. They may be exposed to secondhand and thirdhand smoke,” aniya pa.
Kabilang pa sa panawagan ng grupo ang pagtatanggal ng Designated Smoking Areas sa mga terminals, public vehicles, lalo na sa indoor DSAs.
- Latest
