1 milyong Sinovac; 2.2 milyong Pfizer darating sa Hunyo 10
MANILA, Philippines — Inaasahan ang pagdagsa pa ng mga bakuna sa bansa sa pagdating ng isang milyon pang doses ng Sinovac at 2.2 milyong doses ng Pfizer vaccines sa Hunyo 10 para magtuluy-tuloy ang ‘vaccination program’ ng pamahalaan.
Ito ay makaraan na dumating kahapon sa Ninoy Aquino International Airport (NAIA) Terminal 2 ang isang milyong suplay ng CoronaVac ng Sinovac na mula sa binili ng pamahalaan.
Sinabi ni Vaccine Czar Carlito Galvez Jr. magkakaroon na ngayon ng matatag na suplay ng bakuna sa pagdating ng dagdag na 1 milyong doses ng CoronaVac at 2.2 milyong doses ng Pfizer na mula sa COVAX.
Bukod sa mga ito, may inaasahan pang 2 milyong doses ng AstraZeneca sa loob ng darating na dalawang linggo at mula rin sa COVAX facility.
Sinabi naman ni Galvez na karamihan sa dumating na Sinovac ay ipapamahagi sa mga lalawigan na may mataas na kaso ng COVID-19 tulad ng Zamboanga at iba pang lugar sa Region 6.
Habang ang mga darating na bakuna ng Pfizer at Moderna ay ipapamahagi ang karamihan sa National Capital Region.
- Latest