1K doses ng Sinopharm ‘di na ibabalik sa China
MANILA, Philippines — Posibleng hindi na ibalik sa China ang 1,000 doses ng bakuna ng Sinopharm.
Kinumpirma ni Presidential Spokesperson Harry Roque na hindi pa rin naibalik ang bakuna kahit pa ipinag-utos ni Pangulong Rodrigo Duterte tatlong linggo na ang nakakaraan.
Sinabi rin ni Roque na posibleng hindi na ibalik ang bakuna sa sandaling makakuha ng emergency use authorization mula sa Food and Drug Administration (FDA).
Anya, may emergency use listing na ang World Health Organization kaya posibleng mabalewala na rin ang isyu.
Matatandaan na naging kontrobersiyal ang paggamit ng Sinopharm dahil ito ang itinurok na bakuna laban sa COVID-19 kay Pangulong Rodrigo Duterte kahit wala pang EUA.
- Latest