Meralco magpapadala na uli ng disconnection notice
MANILA, Philippines — Simula sa susunod na linggo ay ipagpapatuloy na ng Manila Electric Company (Meralco) ang pagpapadala ng disconnection notice para sa mga kostumer nilang hindi nakakapagbayad ng kuryente o yaong may mga ‘unpaid overdue bills.’
Kasunod ito nang pagsasailalim muli ng pamahalaan sa NCR Plus areas sa ‘general community quarantine (GCQ) with heightened restrictions’ simula nitong Mayo 15-31.
Tiniyak naman nito na magiging mapagmalasakit sila sa mga kostumer sa ganitong sitwasyon.
Pinayuhan din nito ang mga kostumer na talagang mahihirapang magbayad ng buo na kausapin lamang ang pamunuan ng Meralco upang makagawa ng mas magaan na plano at para maiwasan ang pagpuputol ng linya ng kanilang kuryente.
Matatandaang noong nagpairal ang pamahalaan ng ECQ at MECQ sa NCR Plus areas noong Marso, ay nagpatupad muna ang Meralco ng ‘no disconnection policy’ bilang pagbibigay-konsiderasyon sa kanilang mga kostumer.
- Latest
