Voter’s registration magbubukas muli sa Lunes
MANILA, Philippines — Muling magbubukas ang pagpaparehistro ng mga bagong botante para sa 2022 National Elections sa darating na Lunes makaraang ilagay na ang NCR Plus sa general community quarantine (GCQ).
Ayon kay Comelec executive director Bartolome Sinocruz Jr., magbubukas ang lahat ng tanggapan ng Comelec sa Metro Manila, mga lalawigan ng Bulacan, Rizal, Cavite at Laguna mula alas-8 ng umaga hanggang alas-5 ng hapon, Lunes hanggang Biyernes.
Target ng Comelec na magkaroon ng 7 milyong bagong rehistradong botante ngunit apat na buwan bago ang palugit ay nasa 2.8 milyon pa lang ang bilang ng mga nagpaparehistro nitong Abril 30 dulot ng mga restriksyon dahil sa pandemya.
Sa kasalukuyan, nasa 58.9 milyong Pilipino pa lamang ang nakarehistro sa bansa, ayon kay Bartolome.
- Latest