COVID-19 cases sa 'Pinas nasa 1.13-M na; patay palapit na ng 19,000
MANILA, Philippines — Nakapagtala ang Department of Health (DOH) ng 6,784 bagong infection ng coronavirus disease (COVID-19), Biyernes, kung kaya nasa 1,131,467 na sumatutal ang nahahawaan nito sa bansa.
Batay sa mga bagong nakalap na datos ng Kagawaran ng Kalusugan, narito ang bagong mga pasok na datos para araw na ito:
- Lahat ng kaso: 1,131,467
- Nagpapagaling pa: 58,986, o 5.2% ng total infections
- Kagagaling lang: 2,972, dahilan para maging 1,053,523 na lahat ng gumagaling
- Kamamatay lang: 137, na siyang nag-aakyat sa total local death toll sa 18,958
Anong bago ngayong araw?
-
Ngayong araw naman pipirmahan ang "term sheet" para sa 40 milyong doses ng COVID-19 vaccines mula Pfizer-BioNTech, bagay na kinumpirma ni vaccine czar Carlito Galvez Jr.
-
Inanunsyo naman ng Commission on Elections na magpapatuloy ang pagpaparehistro para sa 2022 national at local elections simula Lunes, ika-17 ng Mayo, ngayong ilalagay na uli sa mas maluwag naw general community quarantine ang NCR Plus.
-
Hindi naman pabor si Health Undersecretary Maria Rosario Vergeire sa mga naunang mungkahi na magkaroon ng mga "vaccine passes" para magkaroon ng access ang mga fully vaccinated citizens sa mga indoor establishments, lalo na't posible pa rin daw tamaan at makahawa ng COVID-19 ang mga nabakunahan na.
-
Ipinaliwanag din ni Vergeire na maraming naging salik sa pagbabalik ng Metro Manila at apat na katabing probinsya nito sa GCQ, kasama na riyan ang 2-week growth rate, average daily attack rate at mga gatekeeping indicators.
-
Umabot na sa halos 160.1 milyon ang tinatamaan ng COVID-19 sa buong daigdig, ayon sa huling datos ng World Health Organization. Sa bilang na 'yan, patay na ang 3.32 milyong katao.
— James Relativo at may mga ulat mula kay Xave Gregorio
- Latest