Kahit mag-GCQ, border ng Pinas sarado pa rin
MANILA, Philippines — Kahit na magluwag ang quarantine classification ngayong linggo, mananatili pa rin nakasara ang border ng Pilipinas.
Sinabi ni Presidential spokesperson Harry Roque, na kahit ilagay na sa General Community Quarantine (GCQ) ang National Capital Region (NCR) plus at iba pang bahagi ng bansa ay bawal pa rin ang turismo.
Tanging ang mga dayuhan lamang umano na mayroong investors visa ang papayagang makapasok sa Pilipinas.
Idinagdag pa ni Ro-que na, hindi rin bubuksan ng bansa ang border nito sa mga manggaling ng India, Pakistan, Nepal, Bangladesh at Sri Lanka na kamakailan lang ay pinatawan ng gobyerno ng travel ban.
Ito ay para maiwasan ang pagpasok ng double mutant variant ng COVID-19 mula sa India.
Matatandaan na epektibo ang travel ban sa India at mga kalapit na bansa nito hanggang Mayo 14, subalit ayon kay Roque posible pa itong palawigin.
- Latest