Roque rumesbak kay Carpio
MANILA, Philippines — Kinontra ni Presidential spokesman Harry Roque ang sinabi ni dating Supreme Court (SC) Justice Antonio Carpio na maaaring mapatalsik sa puwesto ang pangulo dahil sa “betrayal of public trust at national interest” dahil sa posisyon niya sa usapin sa West Philippine Sea (WPS).
Ayon kay Roque, nagpapapansin lang si Carpio dahil bago lamang sa politika at sasabihin ang lahat para mapansin at makakuha ng atensyon.
Tanong pa niya, bakit betrayal of public trust gayung wala namang nawalang teritoryo sa ilalim ng administrasyong Duterte at wala rin binigay na teritoryo sa China.
Hinamon naman niya si Carpio na kung naniniwalang may nilabag na batas ang Pangulo sa naging posisyon sa WPS ay maaaring dalhin ang isyu sa Korte Suprema.
Ang impeachment umano laban sa Pangulo ay hindi lamang remedyo, lalo pa at kahit sinong ordinaryong mamamayan ay maaaring maghain ng reklamo sa SC.
- Latest