Unang araw ng online registration ng National ID, nagka-aberya

MANILA, Philippines — Nagkaroon ng technical problem  sa website ng Philippine Statistics Authority (PSA) sa unang araw ng online registration ng National ID, kahapon.

Ayon sa PSA , mag-a-update na lamang ang PSA oras na maayos na ang website ng ahensiya.

Inaayos na umano ang naturang problema at babalik agad sa pagrerehistro para sa National ID oras na maplantsa ang gusot hinggil dito.

“We will provide updates as soon as the website is up and running. We apologize for any inconvenience this may have caused,” ayon sa PSA.

Una nang naihayag ng National Economic and Development Authority na ang online system ay kokolekta ng demographic information sa mga aplikante para sa National ID.

Noong 2018 ay nalagdaan ni Pangulong Rodrigo Duterte ang pagsasabatas sa National ID System para mapag-isa na lamang ang ibat ibang government IDs.

Una nang naiulat ng Department of the Interior and Local Government (DILG) na may mahigit  30 probinsiya ang prayoridad sa rollout para sa Philippine Identification System.